Presidentja e Kosovës, Vjosa Osmani ka thënë se përgjatë javëve të fundit, vajzat dhe djemtë e Forcës së Sigurisë së Kosovës (FSK), dëshmuan përkushtim dhe rezultate të jashtëzakonshme në akademitë, kolegjet dhe qendrat profesionale ushtarake amerikane më prestigjoze në botë.
Osmani ka shkruar në Facebook se ndihet krenare me Agron Muratin, Alban Bujupin, Alban Bunjakun, Albert Kuçin, Albin Bytyçin, Andrin Vuthaj, Arbnor Haxhanin, Shpresa Gashin, Vesa Ibrahimin dhe shumë e shumë të reja e të rinj, të cilët personifikojnë të ardhmen e FSK-së.
