Parlamenti Evropian miraton një rezolutë që shpallte “gjenocid” vdekjen e miliona njerëzve në Ukrainë në vitet 1930.
Teksti thoshte se legjislatura e BE-së “e njeh Holodomorin, urinë artificiale të viteve 1932-1933 në Ukrainë të shkaktuar nga një politikë e qëllimshme e regjimit sovjetik, si një gjenocid kundër popullit ukrainas”, shkruan AlJazeera.
“Unë përgëzoj njohjen e Holodomorit nga Parlamenti Evropian si gjenocid ndaj njerëzve. Falënderoj presidentin, deputetët dhe gjithë Evropën e bashkuar për këtë vendim të rëndësishëm dhe të drejtë. Shpresoj për njohjen e mëtejshme të Holodomorit si gjenocid nga të gjitha vendet e qytetëruara të botës”, ka shkruar Zelenksy në Twitter.
