Kryeministri Dimitar Kovaçevski sot bëri të ditur se në gjatë muajit të ardhshëm do të vizitojë Ukrainën, përcjell TV21. Kovaçevski tha se planifikohet takimi i tij me presidentin e Ukrainës, Vllodymir Zelensky.
“Gjatë fillimit të shkurtit edhe unë do të shkoj në takim në Ukrainë ku do të takohem me presidentin e Ukrainës, z. Zelensky, por edhe paraprakisht do të takohem në Vjenë me përfaqësues të vende të tjera në OSBE”, deklaroi Kovaçevski.
Ndryshe, nëse Kovaçevski shkon në Ukrainë, ai do të bëhet funksionari i tretë në vend që do të vizitojë vatrën e luftës në Evropë ndaj agresionit rus. I pari ndër funksionarët nga vendi, rajoni dhe më gjërë që vizitoi Ukrainën ishte kryetari i Kuvendit të Maqedonisë së Veriut Talat Xhaferi, ndërsa i dyti që vizitoi Kievin ishte kryediplomati Bujar Osmani, i cili posahtu pritet që këtë muaj të vizitojë sërish kryeqendrën ukrainase.
