Presidenti Stevo Pendarovski sot do t’i pranojë letrat kredenciale të ambasadores së sapoemëruar të Shteteve të Bashkuara të Amerikës në Republikën e Maqedonisë së Veriut, Angela Price Ageler.
Më 5 gusht, shumica demokrate në Senat njoftoi në Twitter se Angela Price Ageler u konfirmua si ambasadore e re e SHBA-së në Maqedoninë e Veriut.
Ajo zëvendëson Kate Marie Burns, e cila ka shërbyer si ambasadore e SHBA-së në Shkup që nga viti 2019.
Ambasadorja e re e SHBA-së në Maqedoni, Angela Price Ageler, më herët ka punuar në pozita të ndryshme në Departamentin e Shtetit, përfshirë edhe në Ambasadën Amerikane në Shkup, përgjegjëse për marrëdhënie me publikun.
