Ministrja e Mbrojtjes Sllavjanka Petrovska, kryeshefi i Shtatmadhorisë së Armatës, gjeneral-nënkoloneli Vasko Gjurçinovski dhe ambasadorja e SHBA-së në Maqedoninë e Veriut, Anxhela Ageler, sot në kazermën në Shtip “Jane Sandanski” do të mbajnë fjalim në prezantimin e automjeteve të reja të blinduara të lehta JLTV, të cilat janë pjesë përbërëse e pajisjes së Armatës të Republikës së Maqedonisë së Veriut.
Në prezantimin e automjeteve të reja të blinduara të Armatës do të marrin pjesë edhe anëtarët e Komisionit kuvendor për mbrojtje dhe siguri.
Pas fjalimit, siç kumtoi Ministria e Mbrojtjes, është parashikuar të realizohet edhe një stërvitje e shkurtër me këto automjete të reja dhe të sofistikuara të blinduara të Armatës. Deri më tani në dy raste kanë mbërritur gjithsej 32 automjete të këtij lloji.
