Partia Demokratike e Shqipërisë i ka dërguar një kërkesë Policisë së Shtetit ku e njofton për protestën që do të organizojë, ditën e shtunë, përpara kryeministrisë në orën 12:00, ku do të kërkohet dorëheqja e Kryeministrit Edi Rama.
Në letrën e dërguar nga sekretari organizativ, Ervin Minarolli, paralajmërohet policia se në këtë manifestim kombëtar do të jenë të pranishëm 80-100 mbështetës të opozitës.
Në këtë protestë thuhet se do të flasin drejtues të lartë të opozitës dhe përfaqësues të shoqërisë civile.
Kreu i demokratëve, Sali Berisha thirri këtë protestë kombëtar pas shpërthimit të skandalit McGonigal në Shtetet e Bashkuara të Amerikës, të cilin opozita e akuzon se është paguar nga kryeministri Rama për të shkatërruar PD-në.
