Fekri Ahmeti, babai i Drin Ahmetit, i cili këtyre ditëve është në qendër të vëmendjes për blerjen e qendrës së biznesit “Soravia” në Shkup.
“Drin Ahmeti i biri Fekriut Isamit Ali Dilës Met Xhaferr Xhakës Baba Dalipit 2023!”, ka shkruar Fekri Ahmeti, në porosinë e tij në facebook, të shoqëruar me videon e fjalimit të Drin Ahmetit.
“Ali Ahmeti është xhaxhai im dhe Zoti e bekoftë. Ai është motivimi im. Ahmeti e ndihmoi këtë vend. Nuk do ta kishim Maqedoninë sot nëse do të ndiqnim Ljubço Georgievskin, i cili do ta kishte ndarë vendin. Ali Ahmeti nuk e ka firmosur dhe nuk e vlerësoni sa duhet. Jam krenar që e kam xhaxha, por ai nuk ka lidhje me biznesin tim. Zero. Ajo që po bëjnë mediat tani është duke dëmtuar rrjetin tim të bashkëpunëtorëve.”, theksoi Drin Ahmeti.biznesmeni 24 vjeçar, i cili dje mbajti një konferencë me mediat për të sqaruar lidhur me blerjen e aksioneve në qendrën afariste “Soravia” në Shkup.
Nipi i liderit të BDI-së Ali Ahmeti, Drin Ahmeti, së bashku me partnerin e tij nga Tirana, kompania PE-VLA-KU , treguan detajet për procesin e blerjes së qendrës tregëtare Soravia, por duke mos treguar shumën totale.
Ahmeti dhe Vladimir Pjetërgjokaj nga kompania PE-VLA-KU kanë tërhequr linjë kreditore nga banka Credins me vlerë 6 milion euro me qëllim mbulimin e borxhit të kompanisë prej 20 milion euro.
“Unë nuk kam investuar asnjë qindarkë në blerjen e Soravias. Borxhi i kompanisë është 20milion euro. Kompania PE-VLA-KU me përfaqësues Vladimir Pjetërgjokaj ka marë linjë kreditore prej 6milion euro në Shqipëri. Ne e kemi marë përsipër këtë borxh sepse kemi projekt zhvillimor”, tha Ahmeti.
“Ne morëm si përgjegjësi borxhin e ‘Soravias’. Për shlyerjen e borxhit të ‘Soravias’ ne kemi marrë një linjë kredie prej 6 milionë eurosh, nga të cilat tre milionë janë miratuar. E gjithë kjo bëhet për të ardhmen e Soravisë”, tha Drin Ahmeti.(INA)
