Ditët e fundit është folur shumë për transferimet e mundshëm të Real Madridit gjatë afatit kalimtar dimëror. Lëndimi i David Alaba e ka lënë Karlo Ançelottin me Antonio Rudiger dhe Naço Fernandez si opsionet e tij të vetme për qendërmbrojtës.
Ançeloti dëshiron që një qendërmbrojtës të nënshkruhet në janar, megjithëse drejtuesit e klubit janë të etur për të nënshkruar me lojtarin e duhur. Një fytyrë e njohur është ajo e shënjestruar, pasi “Los Blancos” kërkojnë ta rikthejnë Rafael Varane. Sipas “Bild”, Real Madrid po mendon të bëjë një lëvizje për Varanen, gjatë merkatos së dimrit.
30-vjeçari nënshkroi për Man. Junajted nga kryeqyteti spanjoll në vitin 2021 dhe pavarësisht se ka qenë më parë një lojtar kyç në “Old Trafford”, ai ka pasur vështirësi për minuta të rregullta në javët e fundit.
Ka të ngjarë që Varane të mbërrinte në huazim, nëse do të bashkohej, megjithëse mbetet për t’u parë nëse Man. Junajted e lejon këtë të jetë një mundësi, duke pasur parasysh se ata kanë problemet e tyre të dëmtimit në mbrojtje.
