Rikthehet Liga e Kampionëve me sfidat e javës së 5-të të garave në grupe. Padyshim supersfida e mbrëmjes është ajo mes Milanit dhe Dortmundit. “Kuqezinjtë” e Piolit do të kërkojnë fitoren për të shmangur eliminimin nga faza e grupeve. Ndërsa PSZH-ja e Luis Enrikes do të përballet me Njukasëllin.
Barcelona do të presë Porton teksa do të luftojë për 3 pikët në mënyrë që të sigurojë matematikisht kualifikimin në fazën tjetër. Kampionët në fuqi do të luajnë kundër Lajpcigut.
Në fushë zbret edhe sulmuesi i kombëtares së Shqipërisë, Arbnor Muja me Antverpin dhe mbrojtësi Elseid Hysaj me Lacion.
Ndeshjet:
Lacio – Sëlltik ora 18:45
Shahtjor – Antverp ora 18:45
Milan – Dortmund ora 21:00
Barcelona – Porto ora 21:00
Fejnord – Atletiko Madrid ora 21:00
Mançester Siti – Lajpcig ora 21:00
PSZH – Njukasëll ora 21:00
Jang Bojs – Crvena Zvezda ora 21:00
