Shërbimet pyjore dhe veterinare vlerësojnë se aktualisht ka 9,000 deri në 10,000 derra të egër rreth Selanikut, tha kryetari i bashkisë së Neapolis-Sykeon, Simos Danielidis.
“Këto shifra janë tragjike dhe po të kemi parasysh ritmin e riprodhimit të tyre, në 2-3 vite do ta kenë pushtuar zonën. Duhet të merren masa të menjëhershme , radikale dhe efektive ”, shtoi ai.
Për t’u marrë me këtë çështje, u mbajt një mbledhje e gjerë, e cila u thirr nga inspektimi i zbatimit të politikës pyjore të Maqedonisë-Trakisë, me pjesëmarrjen e përfaqësuesve të komunave, të Rajonit të Maqedonisë Qendrore, të Entit Pyjor dhe brigada e zjarrfikësve.
