Rusia pritet të shpallë thirrjen e dytë për mobilizim ushtarak në janar

Ministri i Punëve të Brendshme të Ukrainës pretendon se Rusia planifikon të shpallë raundin e dytë të mobilizimit ushtarak në janar, sipas mediave të huaja.

“Rusia po përgatitet për valën e dytë të mobilizimit në janar. Sipas planit, priten të rekrutohen 500,000-700,000 rezervistë. Rusët janë të pakënaqur me autoritetet, ata nuk mund të kuptojnë humbjet në ushtrinë e lavdëruar,” tha Anton Geraschenko.