Ashtu siç paralajmëroi presidenti ukrainas Volodymyr Zelensky për sulme të shtuara ruse këtë javë, disa rajone në Ukrainë janë bombarduar sot.
Predha artilerie ranë mbi Nikopol, jo shumë larg nga centrali bërthamor “Zaporizhzhia”.
Në rajonin lindor Bakhmut artileria dhe sistemet e shumta të raketave shkaktuan dëme në Soledar, Zaytseve dhe Bilogorivka, raporton Skynews, transmeton Zeri.info
Sulmet gjatë natës goditën gjithashtu Krivyi Rihin dhe Synelnykovskyn në rajonin Dnipropetrovsk, duke plagosur katër persona.
Gjatë 24 orëve të fundit dy civilë janë vrarë në rajonin lindor Donetsk në Ukrainë. /Zëri
