Serbia është sërish vendi i vetëm kandidat për anëtarësim në BE në Ballkanin Perëndimor që nuk respektoi vendimet e reja të Këshillit të BE-së për masat kufizuese ndaj Rusisë për shkak të cenimit dhe kërcënimit të integritetit territorial, sovranitetit dhe pavarësisë së Ukrainës ose destabilizimit të situatës në Ukrainë.
Siç njoftoi Përfaqësuesi i Lartë i BE-së për Politikën e Jashtme dhe Sigurinë, Josep Borrell, Këshilli i BE-së miratoi pesë vendime për masa kufizuese kundër Ukrainës nga 3 dhjetori deri më 16 dhjetor .
Të gjitha vendet e tjera kandidate për anëtarësim në BE në Ballkanin Perëndimor – Maqedonia e Veriut, Mali i Zi,
Shqipëria, Bosnja dhe Hercegovina kanë respektuar vendimet e Këshillit të BE-së në lidhje me sanksionet kundër Rusisë.
“Këto vende do të sigurojnë që politikat e tyre kombëtare të jenë në përputhje me vendimet e Këshillit dhe BE-ja e merr parasysh këtë angazhim dhe e mirëpret atë”, shtoi Borrell
Serbia është i vetmi vend kandidat për anëtarësim në BE në Ballkanin Perëndimor që nuk respektoi gjashtë vendimet e mëparshme për masat kufizuese për shkak të Ukrainës, të cilat u miratuan në korrik, shtator dhe nëntor të vitit të kaluar./21Meda
