SHBA: Sulmi me 4 të vrarë në spital, autori shënjestroi mjekun që e operoi: Ishte planifikuar

Katër persona mbetën të vrarë  si pasojë e të shtënave me armë në një spital në Oklahoma, SHBA.

Oficerët konfirmuan se autori i dyshuar, i cili ishte i armatosur me kallashnikov dhe pistoletë, mbeti gjithashtu i vdekur.

Sipas policisë, personi i armatosur që vrau 3 punonjës dhe 1 pacient në spital kishte në shënjestër kirurgun që kreu operacionin e tij në shpinë.

Dr Preston Phillips u vra në sulmin e së mërkurës, sipas zyrtarëve të qytetit Tulsa.

Policia i identifikoi viktimat e tjera si Dr Stephanie Husen, Amanda Green dhe William Love, në një konferencë shtypi të enjten.