Policia italiane ka shkatërruar një grup kriminal dhe ka sekuestruar 760 kilogramë kokainë e cila ishte fshehur nw një ngarkese me lëkurë të papërpunuar.
Mediat bëjnë me dije se janë arrestuar 21 persona: italiane, nje shtetas domenikan si dhe një shqiptar.
Vlera e kokainës në treg do të kapte shifrën e mbi 60 milionë eurove .
Sasia e kokainës u sekuestrua në Bolonja dhe dyshohet se ka mbërritur në Itali nga Amerika Latine.
60 kilogram kokaine nga kjo sasi e madhe ishte ndarë në paketime të vogla me peshë prej 500 gramësh secila dhe ishte fshehur në kontenjerin e ngarkuar me lëkurë të papërpunuar viçi.
Bashkë me sasinë prej 760 kilogramesh kokainë policia ka sekuestruar edhe 341 mijë euro.
Ky grup i trafikimit të kokainës ishte vënë në shënjestër nga policia italiane që prej shkurtit të vitit 2022. Organizata kishte shtrirë aktivitetin e saj në Romë , Bolonja , Milano, Terni si dhe disa qytete të tjera italiane.
