Ministria e Arsimit dhe Shkencës sot shpalli Konkurs për pranim të studentëve të regjistruar në studimet deridiplomike në konviktet shtetërore dhe private në Republikën e Maqedonisë së Veriut për vitin 2023/2024.
Sipas Konkursit të publikuar në ueb-faqen e MASH-it, të lira janë gjithsej 4.480 vende për akomodim të studentëve në konviktet në Shkup, Tetovë, Manastir, Ohër, Prilep dhe Shtip.
Prej tyre, 1.093 janë për studentë të regjistruar në vitin e parë dhe 3.385 për stiudentë të regjistruar nga viti i dytë deri vitin e gjahstë në studime dhe për apsolventë.
Studentët të cilët paraqiten në konkurs duhet të plotësojnë fletëparaqitje elektronike dhe e bashkëngjisin dokumentacionin përkatës në http://e-uslugi.mon.gov.mk.
Dokumentacionet i bashkangjesin në formë elektronike dhe atë duke filluar nga data 17.07.2023 deri më 31.07.2023, ndërsa studentët e vitit të I dokumentacionin e bashkangjesin duke filluar nga data 01.09.2023 deri më 11.09.2023.
Lista përfundimtare për pranimin e studentëve të vitit të dytë dhe viteve të tjera më lartë do të publikohet më datë 05.09.2023 në tabelat e shpalljes në konviktet për studentë ku ka konkurruar studenti dhe në ueb faqen e Ministrisë.
Ankesat pas rezultateve dorëzohen në Konviktin studentor ku kanë aplikuar ne afat prej 10 ditëve nga dita e shpalljes së rezultateve.
Lidhur me afatet për akomodim, në konkurs thuhet se studenti mund të akomodohet në konvikt nga dita e marrëveshjes së nënshkruar me konviktin ku është pranuar, por jo më vonë se 10 ditë nga lista e publikuar përfundimtare.