ITALI– Një shqiptar ka vrarë një 63-vjeçare në Noriglio, një fshat i Rovereto, në via Fonteni. 48-vjeçari me origjinë shqiptare priti jashtë shtëpisë infermieren e cila kishte dalë në pension. Ai e goditi atë dy herë me sëpatë, duke i thyer kokën dhe fytyrën. Në fund, e moshuara vdiq.
Gruaja u vra para syve të nënës së saj 80-vjeçare, djalit të saj 30-vjeçar që i bënte me dorë nga dritarja dhe disa familjeve që ishin në rrugë në atë moment.
Vrasësi ishte i martuar dhe kishte dy vajza adoleshente. Në fund, ai u vetëdorëzua, duke pranuar vrasjen.
Vrasja ka ndodhur pas sherreve të vazhdueshme që kishin me vite të tëra, me kërcënime, ofendime dhe ankesa të kryqëzuara. Mara Fait ishte sulmuar edhe më parë nga autori.
Mara Fait kishte dalë në pension vetëm disa muaj pasi kishte punuar gjithmonë në sektorin spitalor në spitalin Rovereto, fillimisht si infermiere dhe më pas në sallën e operacionit. Dje ajo po kthehej nga supermarketi pasi kishte bërë pazar me nënën e saj të moshuar dhe të sëmurë.
Në vitin 2015 ajo ishte gjithashtu kandidate për Bashkinë e Rovereto, në listën e Marco Zenatti “Project Rovereto City “./Dosja.al
