Në Gjykatën Themelore Penale Shkup sot duhet të fillojë gjykimi në të cilin ish-sekretari i përgjithshëm i Qeverisë, Muhamed Zeqiri, akuzohet për keqpërdorim të pozitës zyrtare.
Sipas aktakuzës, Zeqiri si zyrtar shtetëror, me qëllim ka kryer dy veprime të lidhura me kohën që paraqesin realizime të shumëfishtë të së njëjtës vepër.
“Ai në periudhën prej prillit 2021 deri në mars 2022, duke shfrytëzuar pozitën dhe autoritetin e tij zyrtar, në dy raste ka vepruar në kundërshtim me dispozitat e Ligjit për Prokurim Publik, pa kryer procedurë përkatëse për prokurim publik në të cilën në mënyrë konkurruese personi juridik do të zgjidhej për realizimin e aktiviteteve të nevojshme. Ai ka lidhur dy kontrata me dy persona juridikë si ofrues të shërbimeve, pa respektuar procedurat”, thuhet në aktakuzë.
Zeqiri akuzohet se e ka dëmtuar buxhetin e shtetit për 89.385.255,00 denarë.
Procesin e udhëheq gjyqtarja Fanka Jançuleva – Mihailovska, e cila është edhe kryetare e Këshillit Gjyqësor në procesin “Softuer”, në të cilin i akuzuari i parë është Dragi Rashkovski, njëherit edhe ai ish-sekretar i përgjithshëm i Qeverisë.
