Një ngjarje tragjike ka ndodhur në Genoa të Italisë. Një shqiptar, 46 vjeç, ka ndërruar jetë pasi është përplasur nga një tren. Ngjarja e rëndë ka ndodhur në stacionin e Bogliasco të enjten.
Pasi panë kamerat e sigurisë, autoritetet zbuluan se shqiptari ishte ulur në pjesën e platformës pasi i kishte rënë një objekt nga dora.
Pavarësisht shpejtësisë së reduktuar të trenit, mediat shkruajnë se shqiptari e ka pasur të pamundur shmangien e përplasjes.
Identiteti i 46-vjeçarit nuk është bërë i ditur./tvklan.al
