Trupat ruse po sulmojnë qytetin lindor të Severodonetsk dhe janë “konsoliduar në qendër të qytetit”, tha të mërkurën Serhiy Hayday, kreu i administratës ushtarake rajonale të Luhanskut.
Rusia kreu sulme të martën në “qarqet veriore, jugore dhe lindore të Severodonetsk”, tha Hayday.
Dhe rusët tani kontrollojnë “shumicën” e qytetit, tha ai, shkruan CNN, përcjell “Bota sot”.
“Rusët po sulmojnë, po konsolidohen në qendër të Severodonetsk, ndërkohë që vazhdojnë të shkatërrojnë infrastrukturën dhe objektet industriale,” dhe gjithashtu duke shkatërruar shtëpitë e banimit brenda dhe përreth qytetit, tha ai.
