Marrëveshje midis ‘BOTAŞ’ dhe kompanisë të Rumanisë ‘OMV Petrom’, një ndër kompanitë më të mëdha të energjisë në rajon, do të mbulojë eksportin e mbi 4 milionë metër kub të gazit natyror në ditë në Rumani
Korporata Turke e Naftësjellësit (BOTAŞ) ka bërë të ditur se Türkiye ka rënë dakord të dërgojë gaz natyror përmes tubacionit në Rumani duke filluar nga 1 tetori deri më 31 mars të vitit 2025, transmeton Anadolu.
Marrëveshje midis ‘BOTAŞ’ dhe kompanisë të Rumanisë ‘OMV Petrom’, një ndër kompanitë më të mëdha të energjisë në rajon, do të mbulojë eksportin e mbi 4 milionë metër kub të gazit natyror në ditë në Rumani.
‘BOTAŞ’ njoftoi se të dy kompanitë po ashtu u pajtuan të zhvillojnë bashkëpunimin në fushat e transmetimit, ruajtjes, prodhimit, teknologjive të energjisë së gjelbër, si dhe në tregtinë e gazit natyror.
Marrëveshja me Rumaninë është e fundit ndër disa marrëveshje të eksportit të gazit natyror midis Turqisë dhe vendeve fqinje.
Gjatë muajve të fundit, ‘BOTAŞ’ ka nënshkruar marrëveshje për dërgimin e gazit natyror me Greqinë, Bullgarinë dhe Hungarinë. Brenda tre vjetëve, ‘BOTAŞ’ shpreson të renditet ndër dhjetë ndërmarrjet më të mira eksportuese në Turqi. Në dritën e kësaj, korporata synon marrëveshje të reja të eksportit përmes negociatave me vende dhe biznese të tjera.
