Turqia ka raportuar se inflacion vjetor ka kapur shifrën 58.94% në gusht.
Inflacioni vjetor filloi të rritet në korrik pas futjes së rritjes së taksave dhe u nxit gjithashtu nga rënia e monedhës vendase, lirës, këtë vit, në rreth 30% deri më tani.
Pas zgjedhjeve të majit, banka qendrore ndryshoi një politikë shumëvjeçare të normave të ulëta, që ishte favorizuar prej kohësh nga presidenti Recep Tayyip Erdogan. Ajo rriti normat me 1 mijë e 650 pikë bazë që nga qershori në një përpjekje për të frenuar inflacionin dhe bëri ndryshime në masat makroprudenciale për të mbështetur shtrëngimin.
Por inflacioni pritet të vazhdojë të rritet, tha guvernatori Hafize Gaye Erkan ku bëri me dije se banka pret që inflacioni të arrijë kulmin rreth 60% në tremujorin e dytë të 2024 përpara se të fillojë rënien.
Parashikimet mujore varionin ndërmjet 5.30% dhe 8.40%, ndërsa parashikimet vjetore ishin ndërmjet 53.40% dhe 57.90%.
Inflacioni filloi të rritet në fund të vitit 2021 pasi banka qendrore filloi një cikël lehtësimi që Erdogan kishte kërkuar në një shtytje për të ofruar stimul për të nxitur rritjen dhe eksportet.
Ajo arriti një nivel më të lartë 24-vjeçar prej 85.5% në tetor 2022 pasi shkurtimet shkaktuan një krizë valutore, duke e ulur lirën me 44% në 2021, përveç 30% të tjera në 2022.
Erdogan ndryshoi politikat pasi fitoi zgjedhjet presidenciale, duke çuar në rritje të normës dhe duke ndihmuar bankën qendrore të rindërtonte rezervat e saj ndërkombëtare, të cilat i kishte përdorur në vitet e mëparshme për të mbështetur lirën.
Ndërsa Ankaraja filloi të kthente disa masa që kishte marrë vitet e fundit, ajo gjithashtu prezantoi rritje të mprehta të taksave për të mbështetur arkat e Thesarit, të cilat pjesërisht u shteruan për shkak të stimulit fiskal në prag të zgjedhjeve.
Inflacioni vjetor shihet në 55.70% në fund të vitit 2023, sipas vlerësimit mesatar të 13 ekonomistëve në sondazhin e agjencisë së lajmeve “Reuters”. Parashikimet varionin ndërmjet 45.00% dhe 69.00%.
Instituti i Statistikave Turke do të publikojë inflacionin e gushtit në 07:00 GMT më 4 shtator. (AP)
