Federata Evropiane e Futbollit (UEFA) pranoi gabimin e gjyqtarëve në ndeshjen çerekfinale të Kampionatit të fundit Evropian, kur Gjermanisë nuk iu akordua penallti në ndeshjen kundër Spanjës.
Komiteti i Arbitrave të UEFA-s vendosi që Gjermania duhej të ishte akorduar një penallti në kohën shtesë me ndeshjen e barabartë 1-1. Pasi mbrojtësi i Spanjës Kukurelja, pas goditjes së Musialës, luajti me dorë në zonën e tij të penalltisë, arbitri kryesor i ndeshjes, Entoni Tejllor, si dhe gjyqtarët nga dhoma e VAR-it nuk vendosën të tregojnë pikën e penalltisë.
Pas pak minutash, Merino shënoi një gol për Spanjën, me të cilin Spanja siguroi një vend në gjysmëfinale. Në Kampionatin Evropian të sivjetmë në Gjermani, Spanja mposhti në finale Anglinë.
