Kuvendi sot duhet ta vazhdojë seancën 71 në të cilën në rend dite janë më shumë pika.
Pritet deputetët të debatojnë për raportet vjetore të Avokatit të Popullit për shkallën e sigurimit, respektimit, zhvillimit dhe mbrojtjes së lirive dhe të drejtave të njeriut, për punën e Këshillit Gjyqësor për vitin 2021 dhe të Komisionit Shtetëror për Parandalimin e Korrupsionit për vitin 2021.
Në këtë seancë në rend dite është edhe Interpelanca për punën e kryetares së Komisionit për Sistem Politik dhe Marrëdhënie midis Bashkësive, Sonja Mirakovska, të parashtruar nga deputetët e VMRO-DPMNE-së, Raporti vjetor për punën e Komisionit Shtetëror për ankesa për furnizime publike për vitin 2021, ndryshimet dhe plotësimet e Ligjit për regjistrimin e popullsisë, amvisëritë dhe banesat në Republikën e Maqedonisë së Veriut, 2021 dhe të tjera.
