Cristiano Ronaldo ka mbërritur në qendrën e klubit të tij të ri, Al Nassr për të kryer vizitat mjekësore, të cilat i kaloi me sukses. Mbrëmjen e sotme ai do të prezantohet përballë publikut prej 30 mijë njerëzve në stadiumin Mrsool Park.
Portugezi tashmë hap një faqe të re të historisë. Pas pushtimit të Europës, objektivi i tij është Azia dhe me Al Nassr, mundësitë janë ideale për suksesin e tij të rradhës. Më 5 janar, Ronaldo pritet të bëjë debutimin me fanellën e re në ndeshjen ndaj Al-Tai në stadiumin e shtëpisë, në orën 16:00 me orën e Shqipërisë.
