Zëvendëskryeministri i Qeverisë së Maqedonisë, Artan Grubi përmes një komenti në një postim në facebook është marrë në mënyrë indirekte me vizitën e kryeministrit të Kosovës, Albin Kurti në Shkup, ku sot u përurua rruga “Adem Demaçi” në Çair.
“A mos ka bo vaki najsend?”, ka shkruar Grubi, duke komentuar në një postim të bashkëpunëtorit të tij, Omer Bunjaku, i cili kishte shkruar Në Çair foli populli, shihemi të dielën në sheshin Skënderbe në 21:00″!
Disa media kanë shkruar se ky reagim i tij ndërlidhet me praninë e Kurtit në Çair, i cili sot përpos Shkupit do të shkoj edhe në Tetovë. Kurti në Shkup u prit nga krerët e partive opozitare, kryetari i Lidhjes Demokratike, Izet Mexhiti, kryetari i Lëvizjes Besa, Bilall Kasami dhe kreu i Alternativës, Afrim Gashi.
