VMRO- Partia Popullore do të votojë kundër 5 ligjeve me flamur europian për ndërtimin e Korridorit 8 dhe 10D, përcjell TV21. Këtë e bëri të ditur sot në konferencë për shtyp deputeti i vetëm i kësaj partie, Ljubço Ballkovski, i cili tha se në mënyrën e propozimit të ligjeve ka një sërë parregullësish.
“Shumica numëron 64-65 deputetë, do të thotë dalja ime, që mos të votojë, prapë do të votohen me 61-62. Dua të jem këtu, të votoj kundër që të dihet se kam qenë kundër miratimit të këtyre ligjeve, për mënyrën e procedurës së këtyre ligjeve”, tha Ballkovski duke shtuar se si parti do të vazhdojnë të jenë pjesë e Qeverisë.
