Presidenti ukrainas, Volodymyr Zelensky, ka zhvilluar një vizitë në qytetin jugor të shkatërruar nga lufta, Mykolaiv, ka konfirmuar të shtunën zyra e tij, raportoi BBC.
“Presidenti inspektoi ndërtesën e administratës shtetërore rajonale të Mykolaiv, e cila u shkatërrua si rezultat i një sulmi raketor nga forcat ruse”, tha në një deklaratë zyra e Zelenskyt.
Zyra e liderit ukrainas nuk specifikoi se kur u zhvillua vizita.
Në mars, një raketë ruse shkaktoi një vrimë në ndërtesën e administratës shtetërore rajonale të Mykolaiv duke lënë të vdekur të paktën 37 persona.
Forcat ruse arritën në periferi të Mykolaivit në fillim të marsit, por më pas u kthyen në skajet lindore dhe jugore të rajonit, ku luftimet po vazhdojnë.
Shumë nga lagjet në qytetin port të Mykolaiv tani janë të shkreta, të shkatërruara nga bombardimet, ose të braktisura nga banorët që kanë ikur të sigurt në Evropë ose gjetkë në vend.
Ndërsa Rusia dhe Ukraina kanë përqendruar pjesën më të madhe të burimeve të tyre në javët e fundit në luftën për kontrollin e rajonit industrial lindor të Donbasit, fati i bregdetit të mbetur të Ukrainës në Detin e Zi në Odesa dhe Mykolaiv është vendimtar për të siguruar të ardhmen ekonomike të vendit.
