Trupat e nëntë personave janë gjetur dhe dy të tjerë dyshohet se kanë vdekur pas një zjarri në një shtëpi pushimi për personat me aftësi të kufizuara në Francën lindore, sipas raporteve të mediave franceze.
Grupi përfshinte 10 të rritur me aftësi të kufizuara dhe një person nga stafi
Shtatëmbëdhjetë të tjerë u çuan në siguri dhe një person u dërgua në spital pasi zjarri shpërtheu në orën 6:30 të mëngjesit me kohën lokale në qytetin verilindor të Wintzenheim, thanë autoritetet lokale.
“Ne jemi pothuajse të sigurt për vdekjen e njerëzve të zhdukur. Duhet të jemi të kujdesshëm derisa të kemi gjetur të gjitha trupat,”-tha zyrtari i lartë lokal Christophe Marot në vendin e zjarrit, raportoi France 3 TV.
Nënkryetari i bashkisë së Wintzenheim, Daniel Leroy, tha për BFMTV se tre prej trupave u panë nga një dron mbi ndërtesë.
Shtëpia e pushimit në Wintzenheim, e cila është afër kufirit me Gjermaninë, është marrë me qira nga një organizatë bamirëse që kujdeset për njerëzit me aftësi të kufizuara në të mësuar.
Autoritetet lokale në prefekturën Haut-Rhin thanë se shërbimet e zjarrfikësve dhe të shpëtimit vendosën 76 zjarrfikës, katër makina zjarrfikëse dhe katër ambulanca dhe se “zjarri u vu shpejt nën kontroll pavarësisht flakëve të dhunshme”.
