Zvicra dhe Maqedonia e Veriut po zgjerojnë bashkëpunimin e tyre për migracionin. Ministrja e Drejtësisë, Karin Keller-Sutter dhe ministri i Punëve të Brendshme të Maqedonisë së Veriut, Oliver Spasovski, kanë nënshkruar në Bernë një marrëveshje për migracionin.
Maqedonia e Veriut është në rrugën ballkanike të përdorur nga refugjatët dhe emigrantët që shkojnë drejt Evropës.
“Memorandumi i Mirëkuptimit krijon një kornizë për të gjitha aspektet e bashkëpunimit për migracionin midis Zvicrës dhe Maqedonisë së Veriut”, thuhet në një deklaratë të Ministrisë së Drejtësisë.
“Ai parashikon vendosjen e një procesi dialogu dhe reflektimi të përbashkët për të zgjeruar bashkëpunimin në fusha të ndryshme midis dy vendeve, si parandalimi i migrimit të parregullt, ripranimi, nxitja e migracionit të rregullt dhe sinergjitë midis migrimit dhe zhvillimit.”
Ky është partneriteti i katërt migratorlidhje e jashtmenë Ballkanin Perëndimor dhe i teti në tërësi. Zvicra mban marrëveshje me Bosnje-Hercegovinën, Serbinë, Kosovën, Gjeorgjinë, Nigerinë, Sri Lankën dhe Tunizinë, shkruan swiss.info.ch.
Si vendi i parë pas Greqisë për emigrantët që përpiqen të arrijnë në Evropën Perëndimore përmes rrugës ballkanike, Maqedonia e Veriut u përball me sfida të mëdha gjatë krizës së migracionit 2015-16, shpjegoi ministri i Drejtësisë.
Tani, ajo po përballet sërish me sfida të mëdha për shkak të rigjallërimit të migracionit pas lehtësimit të masave të lidhura me COVID.
