Kryretari i komunës së Gostivarit, Valbon Limani vizitoi sot nga afër punimet e përfunduara në çerdhen “LULISHTJA” në Gostivar ku është bërë izolimi i fasadës për më shumë efikasitet energjetik. Përmes këtij investimi ,është rritur cilësia e kushteve për fëmijët që frekuentojnë çerdhen,duke e bërë atë një hapsirë më të ngrohtë,më të sigurt dhe më funksionale.
“Isha për të parë sot fasadën e përfunduar të çerdhes “Lulishtja” në të cilën tashmë kemi efikasitet të plotë energjitik dhe rregullime të ambientit rrethues. Jam i lumtur që kontribuam që kjo çerdhe të jetë më e denjë për vogëlushët tanë” tha Limani.
