Ministri i Politikës Sociale, Demografisë dhe Rinisë, Fatmir Limani, i pyetur për pozitën e tij pas rikonstruimit të Qeverisë, tha se për të nuk është me rëndësi funksioni që do të mbajë, por krijimi i mundësive dhe hapësirave për të rinjtë.
Duke komentuar zhvillimet politike, Limani rikujtoi largimin e tij nga BDI, duke thënë se në atë kohë kishte nga ata që mendonin se fundi i tij politik ishte afër.
“Kur u largova nga BDI, dikush mendoi se do të vdes politikisht, por unë rilinda”, deklaroi ai.
I pyetur edhe për largimin nga VLEN, Limani u shpreh se nuk e sheh këtë si fund të angazhimit të tij politik.
“Edhe tani mendojnë njëjtë, por ne rilindim e rilindim përsëri për të krijuar kushte për të rinjtë”, theksoi Limani.
