Ka përfunduar takimi në mes presidentes së Kosovës, Vjosa Osmani dhe sekretarit të NATO-s, Jens Stoltenberg.
Pas takimit në konferencën për media, Osmani ka thënë se “Kosova dhe NATO janë në njërën anë dhe terroristët në anën tjetër”.
Osmani poashtu ka thënë se anëtarësimi i Kosovës në NATO është qenësorë, prandaj tha se ky institucion i sigurisë mund të llogarisë Kosovën si partnere të saj.
“Në një kohë jashtëzakonisht sfiduese për sigurinë në përgjithësi, Kosova është një shteg i ri dhe demokratik, liria e Kosovës është edhe rezultat i mbështetjes së NATO-s. Në të njëjtën kohë jemi falënderues edhe për ushtarët e NATO-s edhe pse kjo paqe është cenuar dhe vazhdon që të cenohet nga Serbia. Të dhënat e hetimeve zyrtare konfirmojnë se Serbia qëndron prapa këtij sulmi. Në mënyrë që të mos lejohet përsëritja e një akti të tillë, Serbia duhet që të mbajë përgjegjësi. Serbia mbetet një kërcënim i vazhdueshëm për rajonin. Policia e Kosovës dhe NATO janë në njërën anë, terroristët janë në anën tjetër. Republika e Kosovës është partner ku gjithnjë mund të llogarisni”, u shpreh Osmani.
