Deputetja britanike Alicia Kearns dhe njëherit Kryetarja e Komisionit parlamentar për punë të jashtme e Britanisë së Madhe, tha se Mbretëria e Bashkuar, SHBA, Gjermania, Franca dhe Italia duhet të heqin sanksionet ndaj Kosovës dhe të largohen nga qasja e butë ndaj Serbisë.
“Perëndimi po tregon në Ballkan dështimin e të pasurit një shtyllë, dhe ne po tregojmë po ashtu që nuk kemi marrë mësimet nga përpjekjet për frenimin e Rusisë. Kemi pasur prioritetin e plotë se si të mos e shqetësonim apo acaronim Rusinë, në dëm të atyre që e rrethojnë. Pikërisht e njëjta gjë po ndodh këtu”.
Kearns e cila paralajmëroi qysh në qershor se militantët serbë po kontrabandonin armë në Kosovë, duke rrezikuar një shpërthim dhune, ka thënë për Financial Times se se pas rastit të 24 shtatorit është e qartë se këto armë kontrabandoheshin nga Serbia.
“Keni parasysh atë që thashë në qershor. Armët vinin nga Serbia me ambulanca, në Kosovë dhe ruheshin nëpër kisha. Dhe çfarë kemi parë? Armët që kanë ardhur qartazi nga Serbia. . . Dy nga terroristët që vdiqën atë ditë nga të shtënat ishin shoferë të ambulancës. Dhe ku u fshehën? Në një manastir”, ka thënë Kearns.
Kearns, e cila vizitoi vendin ku autoritetet e Kosovës ruanin armët e konfiskuara, tha se ishte e qartë se armatimi i shkallës ushtarake kishte qenë pjesë e depove të ushtrisë.
“Numrat serikë rreshtohen” tha ajo. “Kjo nuk është si pjesë të rastësishme të pajisjeve që djem të thjeshtë të nivelit të ulët mblodhën së bashku dhe vendosën t’i përdorin. Këto janë pajisje të reja nga viti 2021. Kjo ishte pajisja më e fundit që pashë.”
Serbia ka mohuar vazhdimisht se i kishte furnizuar terroristët me armë dhe kishte ngritur akuza penale kundër Milan Radoiçiq, organizatori i sulmit. Por pasi e arrestuan fillimisht Radojçiqin, autoritetet serbe e lanë të largohej me kusht që të mos largohej nga vendi.
Vuçiq tha se Beogradi po kryente një hetim kundër Kearns, të cilën ai e akuzoi se vepron në emër të interesave të huaja, dhe shtoi se do të urdhëronte ngrirjen e eksporteve të mëtejshme të armëve nga Serbia.
“Që një president të kërcënojë një deputet është një reflektim i pasigurisë së Vuçiqit dhe se komentet e mia kishin goditur në shtëpi,” tha ajo.
Kearns paralajmëroi se pavarësisht se ndërmjetësuesit e BE-së kërkuan një kthim në tryezën e bisedimeve, situata mbetet e tensionuar.
“Nuk ka asnjë shenjë që bandat e krimit të organizuar që veprojnë brenda Kosovës të jenë ndalur. Nuk ka asnjë shenjë nga pala serbe. . . se ia zvogëloi dëshirat për Kosovën”, tha ajo.
“Sistemi ndërkombëtar ishte bashkëpunëtor në pretendimin se nuk kishte grupe të krimit të organizuar në Kosovë”.
Ajo tha se perëndimi duhet të përdorë më shumë nga provat që kishte dhe të godasë rrjetet e kontrabandës së armëve.
“Komuniteti ndërkombëtar i ka pasur këto prova – dhe ka mundësi për ti bërë publike disa,” tha ajo.
“Problemi është ledhatimi i Beogradit. Duhet mbajtur presion mbi Beogradin, tha Kearns.
“Ne nuk mund ta pranojmë premisën se Serbia nuk do ta njohë kurrë Kosovë. Kosova nuk mund të braktisë aspiratat për integrim të plotë”, tha Kearns
