Boksieri deçanas që jeton në Belgjikë, Ari Avdimetaj ka treguar edhe një herë forcat në boksin profesional duke triumfuar me lehtësi kundër një boksieri serb.
22 vjeçari, Ari Avdimetaj ka fituar në meçin kundër 35 vjeçarit, Slajdjan Dragisic nga Vranja. Meçi ka zgjatur 6 runde ku dy nga ta Avdimetaj ka treguar sukses të jashtëzakonshëm duke e rrëzuar dy herë kundërshtarin serb.
Për ta parë meçin ishin pjesëmarrës rreth 200 shqiptarë në këtë event boksi.
Hyrja në arenë ishte spektakolare pasi që u përcoll me këngën që tashmë mbush zemrat e çdo shqiptari “Mora fjalë”.
Kjo garë ishte organizuar nga “12 Rounds Promotion” në qytetin Charlorio të Belgjikës.
Fitorja ndaj një serbi nuk është hera e parë për Ari Avdimetaj. Në shkurt të këtij viti, Avdimetaj kishte boksuar kundër serbit, Marko Nastic, duke përfunduar poashtu me fitore.
