Ministria e Shëndetësisë ka bërë të ditur se ka vazhduar hulumtimi epidemiologjik në Han të Elezit.
Sipas njoftimit, për analiza fiziko-kimike dhe bakteriologjike janë marrë mostra në fshatin Gorancë, tek rezervuari kryesor i cili futet me rënie të lirë në rrjetin shpërndarës të fshatit dhe në disa shtëpi private që furnizohen me ujë nga ujësjellësi lokal i fshatit.
Dy mostrat e ujit të marra në fshatin Seqishtë dhe Gorancë, sipas aspektit fiziko-kimik, janë në përputhshmëri me standardet e parapara.
“Nga aspekti mikrobiologjik në mostrën e ujit të marrë në fshatin Seqishtë janë prezente numri i tërësishëm i baktereve të gjalla, ndërsa në mostrën e ujit të marrë në fshatin Gorancë janë prezente numri i tërësishëm i baktereve të gjalla mbi normat e lejuara dhe Streptokoke me prejardhje fekale”, thuhet në njoftimin e ministrisë, transmeton Klankosova.tv.
Kurse, nga mostrat e fecestit të rasteve simptomatike, ministria e Shëndetësisë bën të ditur se janë izoluar “E. coli Enteroaggregative (EAEC) dhe Norovirus GI/GII”.
Më tej, MSh bën të ditur se në 24 orët e fundit janë paraqitur 34 raste në AMF-në e fshatit Groancë dhe 13 raste në QKMF-në e Hanit të Elezit.
“Të gjitha rastet ishin nga fshati Gorancë dhe kishin simptomatologji të njëjtë me: ethe, temperaturë, kokëdhembje, mundim, vjellje dhe barkqitje”, bën të ditur ministria, përcjell Klankosova.tv.
Ndërsa, Instituti Kombëtar i Shëndetësisë Publike ka dalë edhe me gjashtë rekomandime për banorët e kësaj zone
“1. Raportimi i menjëhershëm i rasteve të dyshimta në helmim, sipas legjislacionit në fuqi, ligji “Parandalimi dhe luftimi i sëmundjeve ngjitëse në Kosovë” (LNR: 02/L-109).
Të vazhdohet me informim të qytetarëve për vlimin e ujit i cili përdoret për pije dhe përgatitje të ushqimit ose te shfrytëzohen resurset tjera që kanë ujë të sigurtë.
Te instalohet klorinatori në rezervuarin kryesor.
Te përcjellet cilësia e ujit, të vazhdohet me mostrim për analiza laboratorike-bakteriologjike dhe vlera e Cl rezidual.
Marrja e të gjitha masave për njoftim dhe vetëdijësim të qytetarëve për situatën e krijuar.
