Mauro Meluso, drejtori sportiv i Napolit, prezantohet për DAZN pas humbjes 0-3 me Interin duke sulmuar arbitrimin dhe duke shpjeguar pse trajneri Mazzarri nuk ka dalë në konferencë për mediat. “Mazzarri preferoi të mos vinte, sepse ne preferojmë të jetë në stol, për të shmangur deklaratat që mund të shmangin disa probleme skualifikimi. Është një dëshpërim që ne dhe njerëzit tanë nuk e meritojmë. Besojmë se gjyqtari Massa dhe gjithashtu VAR-i kanë pasur një ditë të keqe. Kjo mund t’i ndodhë kujtdo, madje edhe lojtarëve si Osimhen, Çalhanoglu, Lautaro, kujtdo. Ishte një ditë jo e lumtur për arbitrat.
Goli i parë, i cili na dha një goditje psikologjike, u ndot rëndë nga një faull i dukshëm ndaj Lobotkas nga Lautaro Martinez, i cili meritonte ndërhyrjen e menjëhershme të arbitrit, pa folur as me VAR.
Për të mos folur për episodin e dytë, pra penalltia ndaj Osimhen qe na sheh te penalizuar jashtezakonisht. Açerbi e godet në tendinën e Akilit dhe Osimhen humb koordinimin dhe mbështetjen. Është faul që duhet të ishte sanksionuar edhe Osimheni ma pohoi pak më parë. Mos bëj konspiracion teori, ne nuk jemi teoricien konspirativ, le të themi që arbitri dhe VAR po kalonin një ditë të keqe. Por ne duam ta nënvizojmë. Pranimi i golit të parë ndikoi fuqishëm në ndeshje, sepse ndikoi tek ne psikologjikisht,” tha mes tjerash Meluso.
