Ministria e Bujqësisë, Pylltarisë dhe Menaxhimit të Ujërave njofton blegtorët se Agjencia për Mbështetje Financiare në Bujqësi dhe Zhvillim Rural ka shpallur thirrje për mbështetje për paga neto të paguara për mbajtjen dhe kullotjen e bagëtive, transmeton Portalb.mk.
Përfitues të kësaj mase janë ekonomitë bujqësore të regjistruara në Regjistrin e Unifikuar të Ekonomive Bujqësore pranë Ministrisë së Bujqësisë.
Mbështetja e ofruar nëpërmjet kësaj mase është në masën 100% të pagës mesatare mujore neto në aktivitetin nga data 01.01.2022 deri më 31.12.2022, si kosto e mbajtjes dhe kullotjes së bagëtive (dele, dhi dhe/ose gjedhë) në kullota (duke përfshirë livadhet) e cila ndodhet në vendbanime me lartësi mbidetare më të madhe se 700 metra, pra fermat e regjistruara ku rriten bagëtitë duhet të vendosen në vendbanime me lartësi mbidetare më të madhe se 700 metra dhe në masën 60% të pagës mesatares mujore neto në veprimtarinë nga data 01.01.2022 deri më 31.12.2022, si shpenzim për mbajtjen dhe kullotjen e bagëtive (dele, dhi dhe/ose gjedhë) në kullota (përfshirë livadhet) që ndodhen në zona të banuara me lartësi mbidetare nën 700 metra, gjegjësisht fermat ku rriten bagëtitë duhet të vendosen në zona të banuara me lartësi më të vogël se 700 metra.
Vlera maksimale e shpenzimeve të pranueshme nuk është më shumë se 360.000 denarë për punonjës, për maksimum 20 punëtorë. Për mbi 10 punonjës, mbështetja ulet me 50%.
Njoftojmë blegtorët se afati për paraqitjen e kërkesave është deri më 20 dhjetor 2023. Kërkesat tuaja për pagesë, të plotësuara së bashku me të gjithë dokumentacionin e nevojshëm, duhet të dorëzohen në Agjencinë për Mbështetje Financiare në Bujqësi dhe Zhvillim Rural, me postë ose personalisht në zyrën e Agjencisë.
Kujtojmë se para katër ditësh, Ministria e Bujqësisë, Pylltarisë dhe Ekonomisë së Ujërave shpalli edhe një thirrje tjetër publike për dorëzimin e kërkesave për shfrytëzimin e mjeteve për blerjen e makinave për korrje.
