Procesi i shqyrtimit u zhvillua për 15 muaj, afërsisht 100 ditë, me angazhimin e mbi 1000 pjesëmarrësve dhe përgatitjen e 850 prezantimeve dinamike në 206 institucione të ndryshme. Punë serioze që është dëshmi e përkushtimit kolektiv të administratës dhe qytetarëve për anëtarësim në BE, tha zëvendëskryeministri Bojan Mariçiq nga Brukseli në fjalimin e tij, para takimit të fundit dypalësh për Kapitullin 31 të Klasterit 6.
Ai theksoi se deri në fund të vitit dokumentet kyçe që janë obligim i tyre që dalin nga Korniza negociuese për anëtarësimin e Republikës së Maqedonisë së Veriut në anëtarësim në Bashkimin Evropian, e cila u miratua më 19 korrik 2022 – Udhërrëfyesi për sundimi i ligjit, Udhërrëfyesi për reformën e administratës publike, si dhe Plani i Veprimit për mbrojtjen dhe promovimin e të drejtave të pjesëtarëve të pakicave dhe komuniteteve.
“Njëkohësisht presim diskutimin e Këshillit Evropian në mbledhjen e javës së ardhshme më 14 dhe 15 dhjetor, si dhe konkluzionet e këtij Këshilli. Duke marrë parasysh angazhimin dhe përpjekjet tona për t’u bërë anëtare e plotë e BE-së, pres që të marrim një rekomandim për të vazhduar me Konferencën e dytë Ndërqeveritare. Me këtë, çdo hap i ardhshëm në procesin e anëtarësimit të vendit tonë në Bashkimin Evropian, si dhe dinamika e negociatave do të varet vetëm nga ne, nga miratimi i ndryshimeve kushtetuese”, theksoi Mariçiq.
Zëvendëskryeministri thekson se këtë mundësi duhet ta shfrytëzojmë pa hezitim, pa brenga dhe pa frikë, por me bindjen se do të kontribuojë edhe në prosperitetin e shtetit dhe qytetarëve të tij.
“Zvarritja apo bllokimi i procesit të negociatave dhe anëtarësimit të Maqedonisë së Veriut në BE paraqet rrezik për reformat tona dhe për zhvillimin tonë. Jam i bindur se me shumicën e qytetarëve që duan ta shohin Republikën e Maqedonisë së Veriut në Bashkimin Evropian në vitin 2030, së bashku do të kemi sukses. Të kapërcejmë së bashku pengesat dhe të sigurojmë të ardhmen evropiane për brezat e tanishëm dhe të ardhshëm”, theksoi Mariçiq.
