Tekniku italian, Masimiliano Allegri promovoi edhe një sërë të rinjsh, në ekipin e parë, ku padyshim ndër më të spikaturit ishte talenti argjentinas i mesfushës, Matias Soule, i cili që në sezonin e tij të parë, te “Zonja e Vjetër” zbriti plot 25 herë në fushën e blertë, duke arritur shënojë edhe 1 gol e të sigurojë 1 asistim.
Këtë sezon, 20-vjeçari argjentinas është huazuar te skuadra e Frosinone, ku është kthyer në një pikë “kyçe”, në formacionin e teknikut Euzebio Di Françesko, teksa në 13 përballjet e para të zhvilluara këtë sezon ka arritur të shënojë plot 6 gola, si dhe të dhurojë 1 asistim për shokët e tij të skuadrës.
Të tilla performanca, në fushën e blertë e kanë vënë Soule, në “radarët” e klubeve angleze, me Kristal Pallasin, që është skuadra e parë, e cila ka bërë një ofertë zyrtare, për argjentinasin, me londinezët, të cilët kanë ofruar shifrën e 35 milionë eurove dhe tashmë gjithçka mbetet në dorën e “Zonjës së Vjetër”, për të pranuar apo refuzuar ofertën.
