Në një intervistë të fundit, Guvernatorja e Bankës Popullore, Anita Angellovska-Bezhoska, ka bërë një vlerësim të situatës aktuale dhe të ardhshme të politikës monetare në vend. Ajo theksoi se lëvizja e inflacionit dhe tregut valutor po shfaqin tendenca pozitive, me rezervat devizore që kanë arritur në nivelin e 3.9 miliardë euro.
“Bankat qendrore të ekonomive më të zhvilluara, të cilat ndikojnë më së shumti në tregjet financiare ndërkombëtare, tani për tani mbajnë të njëjtin përcaktim monetar, por është e rëndësishme të theksohet se nuk vazhduan me rritjen e mëtejshme të normave bazë të interesit” tha ajo Angellovska-Bezhoska
Në kontekstin e tregut të brendshëm, ajo bëri një krahasim midis rritjes së normave të interesit në vend dhe në Bashkimin Evropian, duke theksuar se, megjithë shtrëngimet e politikës monetare, rritja në vend ka qenë më e ulët krahasuar me BE-në.
Në përfundim, Angellovska-Bezhoska theksoi se pozicioni financiar i vendit dhe kostoja e huamarrjes në të ardhmen do të varen nga shumë faktorë, duke përfshirë gjendjen e sistemit bankar, likuiditetin, konkurrencën, rreziqet, dhe të ardhurat e disponueshme për popullatën. Këto faktorë, tha ajo, do të ndikojnë në pozicionin e ardhshëm të politikës monetare.
