Man. Junajtedi ka arritur të marrë një fitore fantastike në “Old Trafford” falë një përmbysje magjepëse ndaj Aston Villa me rezultatin 3-2. Pjesa e parë është mbyllur me rezultatin 0-2 për miqtë, ku në minutën e 21’ shënoi fillimish MekGinn, e më pas në minutën e 26’ dyfishoi shifrat Dendonker.
Man. Junajtedi nuk u dorëzua, pasi “Djajtë e Kuq” përmbysën shifrat në pjesën e dytë. Në minutën e 59’, Garnaço rihapi sfidën duke shënuar golin e 1-2. Më pas, në minutën e 71’, argjentinasi arriti të shënonte përsëri, duke barazuar rezultatin në 2-2.
Por nuk mbeti me kaq, pasi danezi Rasmus Hojlund ka shënuar golin e tretë duke përmbysur kështu shifrat. Me këtë rezultat, Man. Junajtedi renditet tashmë në vendin e gjashtë me 31 pikë, ndërsa Aston Villa humbet mundësinë të renditet i pari së bashku me Liverpullin, pasi tashmë ndodhen në vendin e tretë me 39 pikë.
