Avioni i kompanisë “Hainan Airlines”(Hainjan Ejrllajns), ka kryer fluturimin e parë nga Pekini në Beograd, duke u ulur në aeroportin “Nikola Tesla” mëngjesin e së shtunës. “Ky është fluturimi i parë direkt nga Kina në Serbi. Për momentin, do të ketë fluturime një herë në javë dhe nga shtatori dhe tetori do të ketë dy fluturime brenda javës për në Kinë”, tha presidenti i Serbisë, Aleksandar Vuçiç, i cili doli në aeroportin e Beogradit “Nikola Tesla” për të pritur avionin e parë të kësaj linje të re ajrore. Vuçiç shtoi se fluturimi Beograd-Pekin zgjat nëntë orë e gjysmë dhe kjo linjë ajrore do të quhet “Mihailo Pupin”. Presidenti serb tha se kjo linjë do të tërheqë numër të madh turistësh dhe biznesmenësh që do vijnë në Serbi.
