Pas fitores 1-2 me përmbysje në transfertën e Salernitanës, trajneri i Juventusit, Massimiliano Allegri, ka folur ndër të tjera edhe për vendimet e VAR-it ndaj tyre dhe ndaj skuadrave të tjera.
Sipas italianit, vendimet e VAR-it janë subjektive, ndërsa theksoi në konferencën për mediat se ekipi i tij asnjëherë nuk ka përfituar.
“VAR-i është subjektiv, unë e kam thënë këtë që në fillim. Ne gjithmonë e pësojmë, ndryshe nga skuadrat e tjera. Nuk ka kuptim të debatojmë, ne bëjmë punën tonë, ka një komision arbitrash që vlerëson atë që ata bëjnë”, deklaroi Allegri, ndërsa u pyet për vendimet e VAR-it ndaj Interit.
