Ronaldo po shqyrton mundësinë e transferimit te Atletico
Cristiano Ronaldo është duke shqyrtuar mundësinë e transferimit te Atletico Madrid.
Ylli portugez duket i bindur për një largim të hershëm nga Manchester United.
Ajo që nuk dihet është se cili do të jetë destinacioni i tij i radhës.
Shumë thashetheme u përhapën për kalime të mundshme të Ronaldos në disa prej klubeve të mëdha evropiane.
Së fundmi në Spanjë po qarkullon lajmi për një transferim të yllit portugez në ‘Wanda Metropolitano’, transmeton lajmi.
Trajneri i Atletico Madridit, Diego Simeone thuhet se e admiron 37 vjeçarin dhe nuk do të ishte kundër për një kalim të tij te ekipi ‘rojiblanco’.
Nëse ndodhë kjo atëherë Ronaldo do të rikthehej sërish në kryeqytetin spanjoll, por këtë herë te rivali i Real Madridit, Atletico.
