Drejtoria për Mbrojtje dhe Shpëtim në këtë sezon hyn shumë më e përgatitur se vitin e kaluar, me avionin e parë tashmë ka trajnim intensiv dhe të premten do të ketë një aktivitet të përbashkët me MPB-në për shuarjen e zjarreve në hapësira të hapura, tha drejtori i Drejtorisë për Mbrojtje dhe Shpëtim, Bekim Maksuti.
“Tashmë me avionin e parë që është kthyer, kemi stërvitje intensive me të gjithë personat që janë pjesë e departamentit të aviacionit. Të them të drejtën, të premten kemi një aktivitet të përbashkët me MPB-në, me helikopterët e tyre për shuarjen e zjarreve në hapësira të hapura”, theksoi Maksuti.
Lidhur me avionin e dytë që është në riparim në Spanjë, bëri me dije se ka një javë që është gati, por nuk mund të dorëzohet për shkak të vdekjes së një piloti pasi avioni i tyre u rrëzua gjatë shuarjes së zjarreve në Portugali.
“Nuk janë në gjendje ta dorëzojnë. Pra, përveç kësaj, çdo ditë jemi në koordinim sepse është detyrim i tyre sipas kontratës që të na dorëzojnë avionin sa më shpejt që të jetë e mundur. Janë kryer të gjitha procedurat për aeroplanin e dytë, ka përfunduar me procedurat doganore, me të gjitha, presim të na thonë se cili pilot duhet të hipë në të, për të marrë lejen ACVR, tha Maksuti.
