Në Kosovë, shefi i Grupit Parlamentar të PDK-së, tha se janë në komunikim intensiv me dy partitë opozitare, LDK dhe AAK që të përkrahin mocionin për shpërndarjen e Kuvendit. Sipas tij 30 maji është data e fundit për shpërndarjen dhe mbajtjen e zgjedhjeve në fund të muajt qershor ose fillim të korrikut. Abelard Tahiri tha se mbajtja e zgjedhjeve të parakohshme në vjeshtë nuk ka kuptim, pasi vendi veçse hynë në kalendarin e zgjedhjeve të rregullta. Ndërkohë shefja e Grupit Parlamentar të Vetëvendosjes tha se nuk ka kërkesë zyrtare për shpërndarje të Kuvendit. Sipas Mimoza Kusarit Kuvendi do të mbajë dy seanca plenare gjatë kësaj jave. Të zgjedhurit e popullit do të mblidhen të enjten për të vazhduar pikat nga seancat e kaluara, ndërsa të premten do të mbahet seancë për të diskutuar tri vjet qeverisje, por jo edhe për shpërndarje. /Alsat.mk
