Partia për Veprim Demokratik (PVP), e Ardita Sinanit është fituese e zgjedhjeve lokale në Preshevë me rreth 4080 vota nga rezultatet paraprake. Në këtë komunë garohet për 39 mandate në Këshillin Komunal dhe shumica e thjeshtë që duhet të arrijë një subjekt për të udhëhequr është 21 vende. Ndërkohë, në Bujanoc, me 28% pjesëmarrës në votim, fitoren e shpalli Arbër Pajaziti nga koalicioni Fronti për Ndryshim, me rreth 2680 vota nga rezultatet paraprake. Nga ana tjetër, Partia Përparimtare Serbe (SNS), e cila është në pushtet në Serbi, shpalli fitoren. Pas numërimit të më shumë se 92 për qind të votave, SNS-ja populiste e krahut të djathtë, e mbështetur nga presidenti Aleksandar Vuçiq, mori 52.85 për qind të votave në zgjedhje, tha Komisioni Zgjedhor i Qytetit të Beogradit (GIK). Ky rezultat do t’i japë Partisë Përparimtare Serbe 64 mandate në asamblenë komunale prej 110 vendesh të kryeqytetit serb, sipas GIK-ut. Autoritetet në Serbi nuk raportuan për parregullsi të theksuara, megjithatë, opozita u ankua për ndikim të votuesve përmes një “qendre thirrjesh”, nga partia e presidentit aktual, Aleksandar Vuçiç. Gjithashtu, organizatat që i monitoruan zgjedhjet, raportuan për blerjen e votave apo regjistrimin e dyfishtë të votuesve. Përsëritja e zgjedhjeve në Beograd u mbajt njëkohësisht me zgjedhjet lokale në qytetet dhe komunat e tjera, pas kërkesës së opozitës. Asnjë palë nuk arriti ta formojë shumicën për Asamblenë e Qytetit në Beograd pas zgjedhjeve parlamentare dhe lokale që u mbajtën në dhjetor, të cilat u kritikuan ashpër nga vëzhguesit ndërkombëtarë, ku sipas të cilëve kishte “parregullsi” në zgjedhjet lokale dhe nacionale. /Alsat.mk
Read Next
12 hours ago
Çerdhe falas për fëmijët e prindërve vetushqyes që jetojnë në territorin e komunës së Gostivarit
1 day ago
ESHR: Parregullsi, në Klinikën e Onkologjisë, vetëm 24% e pacientëve me kancer marrin terapi biologjike
1 day ago
Bislimi takon ambasadorin e Italisë, Antonello De Riu – kërkon largimin e masave ndaj Kosovës
1 day ago
Drejtoresha e spitalit “Kozle”: Në rastin me foshnjën 14-muajshe nuk është konstatuar asnjë lëshim mjekësor
1 day ago
Blinken arrin në Izrael për bisedime
1 day ago
Pesë persona të vrarë në një shtëpi në afërsi të Seattle, mes tyre tre fëmijë – i dyshuari është një i mitur
1 day ago
Shporta minimale për muajin tetor arrinë në 995 euro për një familje katër anëtarëshe
1 day ago
Deputeti gjerman: Nëse Serbia dëshiron BE, duhet ta njohë Kosovën
1 day ago
Ikja e mjekëve, problem rajonal
1 day ago