Erling Haaland kryeson grupin e kampionëve që nuk do të jenë në Gjermani për shkak se kombëtarja e tij nuk u kualifikua. Sulmuesi norvegjez është në shoqëri të mirë, duke filluar nga bashkëkombasi i tij Odegaard, kapiteni dhe ylli i Arsenalit. Me ta edhe islandezët Gudmundson, suedezët Goјkeres, Isak dhe Kulishevski dhe boshnjaku Xheko.
Lëndimet ndikuan në zgjedhjet e disa prej komisionerëve teknikë: Spalletti duhej të hiqte dorë nga Berardi, Zaniolo, Açerbi dhe Skalvini.
Ndërsa Spanja la në shtëpi lojtarë si Gavi dhe Balde. Franca duhej të hiqte dorë nga Lukas Hernandez dhe Nkunku. Holanda ishte gjithashtu e pafat: Zirkzee, De Roon, Botman dhe Timber iu bashkuan në orët e fundit pas dëmtikeve të Koopmeiners dhe Frankie De Jong. Polonia ka humbur Milikun, Austria është pa Alaba, ndërsa Skocia duhet të heqë dorë nga Fergusoni.
Është trajneri i Anglisë, Southgate, ai që befasoi me zgjedhjet teknike më të dhimbshme, edhe rezultati është ky: Rashford, Grilish, Stirling, Xhejms, Çilvell, Mehuajer dhe Xhordan Henderson nuk gjetën vend në skuadër. Në Gjermani po bëjnë bujë dorëheqjet e Humels, Goretzka, Adejemi dhe Brandt, ndërsa Danimarka nuk ka thirrur Isaksen dhe Lindstrom.
Më pas është rasti i veçantë i Tibo Kurtua, i cili pati kohë për të fituar Ligën e Kampionëve me Real Madridin, por nuk shkoi në Gjermani, sepse ishte në mosmarrëveshje me trajnerin gjerman. Ka edhe nga ata që nuk marrin pjesë në “Euro 2024”, sepse janë të skualifikuar, si Pogba dhe Tonali.
