Me iniciativën e shoqatës humanitare të qytetarëve “Dr.Trajçe Neshkovski” Gostivar, dhe në bashkëpunim me komunën e Gostivarit, për fëmijët e regjistruar në shkollën e mesme këtë vit janë siguruar asistente edukativ.
Shoqata humanitare dhe komuna e Gostivarit kanë lidhur memorandum bashkëpunimi me qëllim të integrimit më të mirë të fëmijëve me aftësi të kufizuara në procesin arsimor, jetën shoqërore dhe shoqërinë.
Memorandumi parashikon:
– Panel diskutim me profesionistë, ekspertë të fushës së tyre për të zhvilluar ndërgjegjësimin e prindërve/kujdestarëve të fëmijëve me aftësi të kufizuara për rëndësinë që ata të raportojnë fëmijët e tyre në institucionet (shkollat) kompetente se kanë nevojë për një asistent edukativ dhe personal;
– Mbështetje e vazhdueshme për prindërit/kujdestarët e fëmijëve me aftësi të kufizuara, por edhe për vetë fëmijët në procesin e përfshirjes së tyre në shoqëri;
– Punësimi i një asistent personal edukativ për çdo fëmijë me aftësi të kufizuar të regjistruar në shkollën e mesme komunale për vitin aktual shkollor 2024/2025.
Shoqata humanitare e qytetarëve është zotuar të marrë pjesë në financimin e asistentëve personal edukativë për fëmijët me aftësi të kufizuara në shkollat e mesme dhe për kompensimin e secilit asistent individualisht do të paguajë 3000 denarë në muaj, ndërsa komuna është zotuar të paguajë 18000 denarë për çdo asistent individualisht, gjatë vitit akademik 2024/2025.
Shoqata humanitare, si në periudhën e kaluar, do të vazhdojë të kujdeset për të gjitha kategoritë e cenueshme, të përkushtuara dhe të përgjegjshme për t’iu përgjigjur nevojave të të gjithë qytetarëve dhe të ndikojë në ngritjen e vetëdijes së qytetarëve të tjerë me përgjegjësi shoqërore, përmes aktiviteteve të tilla dhe të ngjashme, sepse forcimi i kohezionit social ndërmjet njerëzve, pranimi i diversitetit dhe përfshirja e të gjithëve, veçanërisht e fëmijëve dhe personave me aftësi të kufizuara në shoqëri dhe në të gjitha sferat e jetës shoqërore është një komponent bazë për një shoqëri të qëndrueshme.
Vitin e kaluar ka pasur nevojë për punësim të asistentëve, për të cilët komuna ka marrë përsipër të paguajë 70% të shumës totale, gjegjësisht 9.000 denarë në muaj, ndërsa shoqata ka marrë përsipër të paguajë 30% të shumës totale, gjegjësisht 6.000 denarë në muaj.
